నూతన ధర్నా చౌక్ వెడల్పు పెంచాలని ప్రజా పంధా వినతి

ఖమ్మం,మార్చి 17,సూర్యాపేట టైమ్స్: ఖమ్మం నూతన కలెక్టరేట్ ప్రాంగణంలో ధర్నాలు చేసుకునేందుకు ఏర్పాటు చేస్తున్న కొత్త ధర్నా చౌక్ కేవలం రెండు వందల మందికి మించి కూర్చున్న అవకాశం లేదని, దీని వెడల్పును పెంచి 1000 మంది వరకు ఆందోళనకారులు కూర్చొనే సౌకర్యం పెంచాలని డిమాండ్ చేస్తూ సిపిఐ ఎంఎల్ ప్రజా గుపంధా ఖమ్మం నగర కమిటీ ఆధ్వర్యంలో శుక్రవారం కలెక్టరేట్ ఏవో శ్రీనివాస్ కి వినతిపత్రం అందజేయడం జరిగింది. ఈ సందర్భంగా ప్రజా పంధా ఖమ్మం డివిజన్ కార్యదర్శి ఆవుల అశోక్ మాట్లాడుతూ ఖమ్మం జిల్లాలో ప్రజలు, ప్రజా సంఘాలు చైతన్యవంతంతో అనేక ప్రజా సమస్యలపై పోరాడే చరిత్ర కలిగి ఉన్నాయని,పోరాటాల చరిత్ర కలిగిన ఖమ్మం జిల్లాకు కేవలం 200 మంది కూర్చునే విధంగా ధర్నా చౌక్ ఏర్పాటు చేయడం సరి కాదని, ధర్నా చౌక్ వెడల్పు పెంచి 1000 మంది వరకు కూర్చొని ఆందోళనలు చేసే విధంగా అన్ని రకాల సౌకర్యాలు కల్పించాలని ఆయన ప్రభుత్వానికి విజ్ఞప్తి చేశారు. నూతనంగా నిర్మిస్తున్న ధర్నా చౌక్ ముందుభాగం సగానికి పైగా మూసేస్తూ నిర్మాణం చేపట్టినారని ముందు భాగం ఎలాంటి గోడలు లేకుండా ఓపెన్ గా ఉంచాలని ఆయన సూచించారు. ఇప్పుడు నిర్మాణం చేస్తున్న ధర్నా చౌక్ లోతు పెంచి వెడల్పు తగ్గించారని ధర్నా చౌక్ వెడల్పు పెంచి స్టేజిని సైతం నిర్మాణం చేయాలని కోరారు .అదేవిధంగా ఖమ్మం నగరంలో పాత కలెక్టరేట్ ముందున్న ధర్నా చౌక్ ను కూడా కొనసాగించాలని ఈ సందర్భంగా వారు డిమాండ్ చేశారు. ఈ సమస్యపై అధికారులు స్పందించి తక్షణమే చర్యలు తీసుకోవాలని ఆయన కోరారు.ఈ కార్యక్రమంలో ప్రజా పంధా ఖమ్మం నగర కార్యదర్శి టి. ఝాన్సీ, సహాయ కార్యదర్శి చందు, నాయకులు కంకణాల శ్రీను, జె. భరత్, సత్తార్ పాల్గొన్నారు.