దివ్యాంగులు బస్సు పాసులను సద్వినియోగం చేసుకోవాలి

సత్తుపల్లి, మార్చి 17,సూర్యాపేట టైమ్స్: అర్హులైన దివ్యాంగులు ఆర్టీసీ అందించే రాయితీతో కూడిన బస్సు పాసులను సద్వినియోగం చేసుకోవాలని ఆర్టీసీ అధికారి రాయప్ప కోరారు. రామానుజవరం గ్రామపంచాయతీ కార్యాలయంలో శుక్రవారం సర్పంచ్ శీలం కోటారెడ్డి, అధ్యక్షతన జరిగిన దివ్యాంగుల బస్సు పాస్ మేళాకు విశేష స్పందన లభించింది.ఈ సందర్భంగా వారు మాట్లాడుతూ అర్హులైన దివ్యాంగులు 50% రాయితీతో కూడిన బస్సు పాసులతో పల్లె వెలుగు, ఎక్స్ప్రెస్, డీలక్స్ బస్సులలో ప్రయాణించవచ్చునని అన్నారు. ప్రజలు సురక్షితమైన ప్రయాణం కొరకు ఆర్టీసీ బస్సులలో ప్రయాణించి ఆర్టీసీని ఆదరించాలని కోరారు. గ్రామానికి వచ్చి గ్రామంలోని అర్హులైన దివ్యాంగులందరికీ బస్సు పాసులను అందించడం హర్షినీయమని ఈ సందర్భంగా వారు తెలిపారు. ఆర్టీసీ బస్సులు ఉన్న సమయంలో ప్రైవేటు వాహనాలను ఆశ్రయించకుండా ఆర్టీసీని ఆదరించాలని వారు కోరారు. ఈ కార్యక్రమంలో గ్రామపంచాయతీ వార్డు సభ్యులు కోడూరి. సత్యనారాయణ, బొగ్గుల. రామకృష్ణారెడ్డి, పంచాయతీ సెక్రెటరీ కటికి.శ్రీనివాసరావు, ఫీల్డ్ అసిస్టెంట్ ఎస్ శివరాజు, ఆర్టీసీ సిబ్బంది కిన్నెర ఆనందరావు, కంచి సాంసన్ పాల్గొన్నారు.