జాతీయ మానవ హక్కుల కమిటి రాష్ట్ర ఇన్చార్జిగా చిటుపాక ప్రభాకర్ ఎన్నిక

తుంగతుర్తి మండల పరిధిలోని వెంపటి గ్రామానికి చెందిన చిటుపాక ప్రభాకర్ జాతీయ మానవ హక్కుల కమిటీ తెలంగాణ రాష్ట్ర ఇన్చార్జిగా ఎంపికయ్యారని ఆ సంఘం జాతీయ అధ్యక్షుడు రవికుమార్ తెలిపారు. ఈనెల 1న ఢిల్లీలో జరిగిన సెమినార్ లో తెలంగాణ రాష్ట్రంలో సోషల్ సర్వీస్ చేసినందుకు గాను ఇండియన్ ఐకాన్ 2023 అవార్డును సెంట్రల్ యూనియన్ మినిస్టర్ రఘువీర్ సింగ్, జాతీయ మానవ హక్కుల సంఘం చైర్మన్ రవికుమార్ లు చిటిపాక ప్రభాకర్ కు అందజేశారు. ఈ సందర్భంగా ప్రభాకర్ మాట్లాడుతూ నేను చేసిన సేవలకు అవార్డు రావడం చాలా సంతోషంగా ఉందని, ఎన్ హెచ్ ఆర్ వో రాష్ట్ర ఇన్చార్జిగా నియమించి నా బాధ్యతను ఇంకా పెంచారని తెలియజేశారు. మానవ హక్కుల కోసం నిరంతరం పోరాడుతూ సంఘం బలోపేతానికి కృషి చేస్తానని అన్నారు. తన పై నమ్మకంతో బాధ్యతలు ఇచ్చిన జాతీయ అధ్యక్షులు రవి కుమార్, తెలంగాణ రాష్ట్ర అధ్యక్షుడు బోడ నాగరాజు, మైలపాక రామచందర్ లకు ప్రత్యేక కృతజ్ఞతలు తెలిపారు.