గురు(తర) భాద్యత..!

మట్టిని మాణిక్యంగా.. మనిషిని మహోన్నతుడిగా.. బండరాయిని భగవంతుడిగా.. ముడి లోహం లాంటి శిష్యుణ్ణి.. సొక్కం బంగారంగా మార్చగల.. పరుసవేదే కదా సమర్థ గురువు ! జాతి నిర్మాణ యజ్ఞంలో.. మహోత్కృష్ట సమిధే గురువు మేలిమి మానవ వనరుల.. విలక్షణ సృజన పోషకుడు.. బోధన, శోధన, అన్వేషణలకు.. ఆరాధ్యుడు ఉపాధ్యాయుడే ! యువత అభిరుచులకు.. నైపుణ్యాల రెక్కలు తోడిది.. సాధించాలనే తపనను రగిల్చి.. జ్ఞాన వెలుతురుల్ని ప్రకాశింపజేసి.. అభివృద్ధి బాటన నడిపించే.. బ్రహ్మ, విష్ణు, మహేశ్వరులే.. దైవసమాన భగవాన్‌ గురువులు ! మధుపాళీ 9949700037